वलांडी प्रतिनिधी
जिल्हा परिषद व पंचायत समितीच्या
सार्वत्रिक निवडणुकीच्या अनुषंगाने देवणी तालुक्यातील बोरोळ, वलांडी, जवळगा येथील सहा पंचायत समिती गण व तीन जिल्हा परिषद गटांमध्ये मतदान प्रक्रिया पार पाडण्यासाठी एकूण ४९८ मतदान कर्मचारी मतदान केंद्रांवर कार्यरत आहेत.
निवडणूक कामकाजासाठी १२ झोनल अधिकारी, २६१ पोलीस कर्मचारी, ८ पोलीस अधिकारी, १ पोलीस निरीक्षक व २ पोलीस उपनिरीक्षक यांची नियुक्ती करण्यात आली आहे. तसेच संपूर्ण निवडणूक व्यवस्थेसाठी बस, क्रूझर, मिनीबस, इरटीका आदी एकूण २९ वाहने उपलब्ध करून देण्यात आली होती.
माननीय निवडणूक निर्णय अधिकारी गणेश पवार व सहाय्यक निवडणूक निर्णय अधिकारी सोमनाथजी वाडकर यांच्या मार्गदर्शनाखाली आज सर्व मतदान केंद्राध्यक्ष व मतदान कर्मचारी मतदान पेट्या व आवश्यक साहित्य घेऊन आपल्या-आपल्या मतदान केंद्रांवर सुरक्षित व यशस्वीरीत्या पोहोचले आहेत.
यावेळी तहसील कार्यालयातील सर्व सहायक महसूल अधिकारी, महसूल सहाय्यक, मंडळ अधिकारी, ग्राम महसूल अधिकारी, महसूल सेवक तसेच विविध विभागांतील अधिकारी व कर्मचारी मोठ्या संख्येने उपस्थित होते.
