दि. २६ जानेवारी २०२६ रोजी ब्ल्यूबेल पोदार लर्न स्कूल, वलांडी येथे प्रजासत्ताक दिन साजरा करण्यात आला. संस्थेचे सदस्य शंकर पोस्ते यांच्या हस्ते ध्वजारोहण करण्यात आले. यावेळी माधवराव हुडे , संगमेश्वर पोसते , अभिषेक स्वामी आणि पालकांची प्रमुख उपस्थिती होती.
शाळेचे प्राचार्य विनोज पी. बी. यांनी सदर कार्यक्रमाचे प्रस्ताविक सादर केले. तसेच शाळेतील विद्यार्थ्यानी भाषणे, देशभक्ती पर गीत गायन व नृत्य सादर करून देशप्रेम व्यक्त केले व मान्यवरांचे लक्ष वेधून घेतले.त्याचबरोबर विद्यार्थ्यांची विविध स्वातंत्र्यसैनिकांच्या वेशभूषेत राष्ट्रप्रेमाची व एकीची भावना निर्माण करत डॉ बाबासाहेब आंबेडकर चौक ते छत्रपती शिवाजी महाराज चौकपर्यंत भव्य प्रभातफेरी काढण्यात आली .
या कार्यक्रमाचे आयोजन संस्थाअध्यक्ष अमित पोस्ते आणि शंकर पोस्ते, लक्ष्मीकांत पोस्ते , अरुण पोस्ते, माधव हूडे, मल्लिकार्जुन हूडे, अमोल आंबेगावे यांच्या मार्गदर्शनाखाली आणि शाळेतील प्राचार्य यांच्या नेतृत्वात हा कार्यक्रम पार पडला.या कार्यक्रमाचे सूत्रसंचालन विद्यार्थी अश्विनी गिलगिले व अब्दुल समी तर आभार उप प्राचार्या प्रगती सांगोलगे यांनी केले. या कार्यक्रमासाठी शाळेतील सर्व शिक्षक व शिक्षकेत्तर कर्मचारी यांनी मोलाचे सहकार्य केले. तसेच यावेळी शाळेतील शिक्षक व शिक्षकेतर कर्मचारी आणि विद्यार्थी मोठ्या संख्येने उपस्थिती दर्शवून कार्यक्रमाची शोभा वाढविली.
