प्रतिनिधी | वलांडी
देवणी तालुक्यातील जवळगा जिल्हा परिषद व पंचायत समिती निवडणुकीचे वातावरण चांगलेच तापले असून प्रचार यंत्रणा शेवटच्या टप्प्यात पोहोचली आहे. या पार्श्वभूमीवर जिल्हा परिषद व पंचायत समिती गणात सध्या एकाच नावाची जोरदार चर्चा गावोगावी सुरू आहे. हे नाव म्हणजे राष्ट्रीय काँग्रेस पक्षाचे अधिकृत उमेदवार विकास ( सोनु ) डगवाले.
जवळगा जिल्हा परिषद गटाचे आरक्षण सर्वसाधारण पुरुषासाठी असल्याने या गटातून काँग्रेसकडून विकास ( सोनु) डगवाले यांना उमेदवारी देण्यात आली आहे. तसेच पंचायत समितीच्या जवळगा गणासाठी सुरेखा वसंत सोनकांबळे, तर दवणहिप्परगा गणासाठी प्रभावती पाटील यांची उमेदवारी निश्चित करण्यात आली आहे.
जवळगा गटाच्या राजकारणात सध्या “जिथं तिथं चर्चा तुमची हो झाली” अशीच स्थिती असून “सोनु डगवाले नावाला जवळगा जिल्हा परिषद गटात मोठी डिमांड आहे” अशी भावना मतदारांतून व्यक्त होताना दिसत आहे. “सामान्य जनतेचा माणूस, लय ग्रेट” अशी प्रतिक्रिया अनेक नागरिक देत आहेत.
गेल्या २० वर्षांपासून विकास (सोनु ) डगवाले यांनी तालुक्यातील जनतेच्या सेवेसाठी स्वतःला झोकून दिले आहे. आरोग्य, शिक्षण, रस्ते, पाणी, वीज, शेतकऱ्यांच्या समस्या तसेच मूलभूत सुविधांच्या प्रश्नांवर त्यांनी सातत्याने आवाज उठवला आहे. शेतकऱ्यांच्या विविध मागण्यांसाठी आंदोलने असोत किंवा सर्वसामान्य नागरिकांच्या वैयक्तिक अडचणी असोत, सोनु डगवाले नेहमीच मदतीला धावून जातात, असे नागरिकांचे मत आहे.
त्यांचा व्यापक जनसंपर्क, लोकाभिमुख कार्यपद्धती आणि सातत्यपूर्ण सामाजिक कार्यामुळे अल्पावधीतच त्यांनी जनतेच्या मनात विश्वासाचे व आदराचे स्थान निर्माण केले असून, त्यामुळेच ते विजयाच्या दिशेने वाटचाल करत असल्याची चर्चा सध्या जोर धरू लागली आहे.
