प्रतिनिधी / वलांडी
निवडणूक ही लोकशाहीची सर्वात महत्त्वपूर्ण प्रक्रिया आहे. प्रत्येक कर्मचाऱ्याने आपली जबाबदारी प्रामाणिकपणे व नियमांचे काटेकोर पालन करून पार पाडावी, असे आवाहन निवडणूक निर्णय अधिकारी तथा उपजिल्हाधिकारी निवडणूक अधिकारी गणेश पवार यांनी केले.
जिल्हा परिषद व पंचायत समिती निवडणुकीसाठी तालुक्यातील निवडणूक यंत्रणा सज्ज झाली आहे यावेळी ते बोलत होते. यावेळी सहायक निवडणूक अधिकारी तथा तहसीलदार सोमनाथ वाडकर, नायब तहसीलदार लहू कांबळे, रितेश कवरे सहायक महसूल अधिकारी, बालाजी केंद्रे मंडळ अधिकारी, सर्व महसूल सहाय्यक, ग्राम महसूल अधिकारी, शिपाई व महसूल सेवक यांनी आवश्यक तयारी करून आदी उपस्थित होते. यावेळी निवडणूक निर्णय अधिकारी
पवार म्हणाले मतदान केंद्रावर मतदान यंत्रांची हाताळणी, सीलिंग प्रक्रिया आणि प्रत्यक्ष मतदानाच्या दिवशी काळजी घ्यावी. निवडणूक प्रक्रिया हा लोकशाहीचा उत्सव आहे. त्यात सर्वांनी सहभागी व्हावे. निर्भय वातावरणात मतदान प्रक्रिया पूर्ण करणे ही आपली प्राथमिक जबाबदारी आहे, असेही ते म्हणाले ३१ कर्मचाऱ्यांनी फिरवली पाठ..! देवणी तालुक्यात निवडणूक प्रक्रियेसाठी नियुक्त कर्मचाऱ्यांचे दुसरे प्रशिक्षण येथील धनुरे मंगल कार्यालयात पार पडले. त्यासाठी ४२० कर्मचाऱ्यांची नियुक्ती करण्यात आली आहे. त्यापैकी ३१ कर्मचाऱ्यांनी प्रशिक्षणाकडे पाठ फिरविली होती. गैरहजर असलेल्या कर्मचाऱ्यांना कारणे दाखवा नोटिसा बजाविण्यात आली असल्याची माहिती सहायक निवडणूक अधिकारी तथा तहसीलदार सोमनाथ वाडकर यांनी दिली.
